Шымкент қаласында жылыту маусымына дайындық аяқталуға жақын.
Қалада қазандықтар мен жылу желілері жөнделіп, жабдықтар жаңартылып жатыр. Қазірдің өзінде 27 қазандықтың 24-і, 17 сорғы станциясының 14-і іске қосылған. Дегенмен салада шешілмеген мәселе де бар — бұл қарыз. Халықтың жылуға берешегі 430 млн теңгеден асса, заңды тұлғалар 300 млн теңгеден астам қарыз. Ал жылу таратушы компания — «Куатжылуорталық-3»-тің өзі жылу өндіруші мекемеге 2,7 млрд теңге берешек. Соған қарамастан компания өкілдері қысқа дайындық толық жүріп жатқанын айтады. Жылу трассаларын тексеру кезінде 100-ге жуық ақау анықталған, көпшілігі қалпына келтірілген. Қалғаны қыркүйектің соңына дейін жөнделеді.
Жанұзақ Махамбетов, «Қуатжылуорталық-3» МКК Инфрақұрылымды дамыту жөніндегі директор орынбасары:
– Біз кепілдік хаттамалар беріп жатырмыз. Бізге көрсететін қызмет — газ немесе электроэнергия. Оларға біз кепілдік хатпен береміз. Сондықтан жылыту маусымына еш әсері тимейді. Барлығы жылу маусымына 100 пайызбен кіреміз деп отырмыз.
