Ішкі істер министрлігі елде ішімдік сатуға қатысты бірқатар тыйымды ұсынды. Үкімет сағатында ведомство басшысы Ержан Саденов осындай мәлімдеме жасады, — деп хабарлайды Massaget.kz тілшісі.
Министрдің сөзінше, алкоголь — елдегі криминоген жағдайға әсер ететін негізгі факторлардың бірі. Шенеуніктің айтуынша, жыл сайын мас күйде 10 мыңға дейін қылмыс жасалады.
ІІМ ішімдікті интернет арқылы сатуға толық тыйым салуды ұсынды. Одан бөлек:
- ішімдікті тек арнайы дүкендерде сату (“алкомаркеттерде”);
- лицензия беру ережелерін қатаңдату және олардың санын шектеу ұсынылды.
ІІМ басшысы ойын-сауық орындарына арналған шектеу туралы да айтты:
“Ойын-сауық орындарында ішімдік сату уақытын шектеу қажеттілігі туындады. Мұндай нысандарда мас күйде 1 400-ден аса қылмыс жасалған, оның ішінде үшеуі — кісі өлтіру”.
Алайда, Ержан Саденовтың айтуынша, кейбір мемлекеттік органдар бүгінде бұл тәсілдерді қолдамайды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
