Қайғылы жағдай Жетісай ауданындағы Алғабас ауылында болған.
Қазіргі таңда болған жайтқа байланысты тың дерек шықты, деп хабарлайды Caravan.kz медиа порталы.
Түркістан облысы ТЖД-нің 101 пультіне екі қабатты жеке үйде өрт шыққаны туралы хабар түскен. Өрт сөндірушілер оқиға орнына жеткен кезде үй толығымен отқа оранған еді. Тілсіз жаумен күрес барысында құтқарушылар үйден ес-түссіз жатқан үш адамды алып шығып, оларды жедел жәрдем бригадасына тапсырды. Сондай-ақ үй ішінен 12 адамның мәйіті табылған.
Көршілердің айтуынша, үйде қонақтар болған: алдыңғы күні үй иелерінде іс-шара өтіп, көптеген адам түнеп қалған. Өрттің ауқымы үлкен болды – шамамен 360 шаршы метрді шарпыған, алайда қазір толық сөндірілді.
Оқиға орнында барлық жедел қызметтер жұмысын жалғастыруда.
Президент Тоқаев көңіл айтып, тергеу жүргізуді тапсырды.
