Ыстамбұлда 100 мыңнан аса адам тағы шеруге шықты. Қамауға алынған қала мэрі Экрем Имамоглудың жақтастары оны босатуды және тез арада сайлау өткізуді талап етті. Белсенділер: «мМндай ереуілдер енді әр сенбі түрлі қалада өтеді», – дейді. Олар биліктің жиналуға салған ресми тыйымына қарар емес.
Ыстамбұлдың экс-басшысы Экрем Имамоглу 19 наурызда қамауға алынған болатын. Оған жемқорлық ісі бойынша айып тағылған. Содан бері Түркияда наразылық шаралары өтіп жатыр. Кей жерде шерулер полициямен қақтығысқа ұласқан. Бүгінге дейін 2 мың адам қамауға алынды.
