Спорттық гимнастикадан Түркияның Анталья қаласында өтіп жатқан әлем кубогының үшінші кезеңінде Қазақстан қоржынына екі бірдей жүлде түсті, деп хабарлайды Қазақстан Республикасы Туризм жəне спорт министрлігінің ресми Telegram-каналына сілтеме жасаған KAZ.NUR.KZ.
Париж Олимпиадасының күміс жүлдегері Нариман Құрбанов өзінің бірінші ресми жарысында-ақ тұтқалы ат снаряды жаттығуында чемпион атанды.
Тұтқалы ат снаряды. Ерлер:
- Бірінші орын — қазақстандық Нариман Құрбанов;
- Екінші орын — қазақстандық Зейнолла Ыдырысов;
- Үшінші орын — иорданиялық Ахмад Әбу әл-Сауд — Әлем чемпионатының екі мәрте жүлдегері
Жарыс ертең мәресіне жетеді.
