Дзюдодан әлем біріншілігінің 4-жарыс күні басталды. Бүгін әйелдер 63 келіге дейінгі, ерлер 81 келіге дейінгі салмақта белдесіп жатыр. Қазақстан сапынан Есмигүл Куюлова 1-белдесуінде жеңіліп, Әлем чемпионатын аяқтады. Ол әлемдік рейтингте өзінен 10 саты төмен тұрған словениялық Кая Кайзерден голден скорда юко ұпайымен жеңілді.
Ал Абылайхан Жұбаназар болса, алғашқы айналымды жеңіспен бастады. 25 жастағы молдовалық балуаннан басым түсті. 2-белдесуінде Бразилия өкілін айласын асырды. Күрес барысында жасаған әдістері екі юко ұпайымен бағаланды. Енді Абылайхан ширек финалдық жолдамасы үшін жеке бейтарап спортшы, нақтырақ Ресей балуаны Тимур Арбузовпен сарапқа салады.
Асылбек Данияр
