0:00:00
0:00:00Жаңалықтарды Telegram арнамыздан оқыңыз !
Алматыда тұқым қуалайтын ангионевротикалық ісіну диагнозы қойылған адамдар туралы деректі фильмнің жабық көрсетілімі өтті. Бүгінде елімізде бұл ауруға шалдыққандар саны 100-ге жуықтайды. Алайда бұл көрсеткіш ресми түрде расталғандары ғана. Мамандардың болжамынша кешенді зерттеулер жүргізілген жағдайда, сирек кездесетін сырқат кемінде 600-дей тұрғыннан анықталуы мүмкін. Себебі бұл – әлі күнге дейін тіпті медицина қауымдастығының өзінде жеткілікті бағаланбаған генетикалық дерт. Халық арасында бұл ауру туралы толық ақпарат жоқ. Жұрт оның белгілерін әдеттегі аллергиямен шатастырып, бей-жай қарайтын көрінеді.
Ал селқостықтың зардабы орасан, дейді мамандар. Сондықтан жауаптылар елді құлақтандыру үшін арнайы деректі фильм түсірген. Мұнда генетикалық дертке душар болған бір отбасының өмірі көрсетіледі.
Арай Батырбаева, Республикалық аллергология орталығының жетекшісі:
Науқастың түрлі дене мүшесі ісінеді. Бұл негізінен қауіпті ауруға жатады. Халық және медициналық қауым қалай диагноз қою керек, симптомдарын қалай анықтайды, басқа аурулармен шатастырмауына мән беруі тиіс. Осы бағытта түсірілген фильм.
Ернұр Медет
