Футболдан Қазақстан ерлер құрамасы 2026 жылғы әлем чемпионатының іріктеу кезеңінде Лихтенштейнді сырт алаңда жеңді , деп хабарлайды KAZ.NUR.KZ тілшісі.
Командалар J тобындағы екінші тура аясында кездесті. Матч Вадуц қаласындағы "Райнпарк» стадионында өтіп, 2:0 есебімен қазақстандықтардың пайдасына шешілді.
Екі гол да бірінші таймның соңында соғылды. Жеңіс Қазақстан құрамасына үш ұпай жинап, кестеде үшінші орынға көтерілуге мүмкіндік берді. Лихтенштейннің екі жеңілісінен кейін ұпайы жоқ және кестенің соңында келеді. Іріктеу кезеңін әлі бастамаған бельгиялықтардың да ұпайы жоқ. Топта төрт ұпаймен Солтүстік Македония мен Уэльс көш бастап тұр.
Айта кетейік, Лихтенштейнді жеңу Әли Әлиев үшін Қазақстан құрамасының бас бапкерінің міндетін атқарушы ретінде ресми деңгейде қол жеткізген бірінші жеңісі болып табылады. Ұлттық құрама 2023 жылдың қарашасынан бері ресми ойындарда жеңіске жеткен жоқ.
2026 жылғы әлем чемпионатының іріктеу кезеңінің келесі матчтары маусым айында өтеді. Қазақстан құрамасы екі слоттың бірінде – 9 маусымда өз алаңында македониялықтарға қарсы ойнайды. Әлем чемпионатына тікелей жолдама алу үшін қазақстандықтарға топта бірінші орын алу керек.
