АҚШ көрші Мексика мен Канададан импортталатын көліктерді бір айға 25%-тік баж салығынан босатты, деп хабарлайды 24kz.
Ақ үй әкімшілігі бұл шешімді Ford, General Motors секілді ірі автоөндірушілермен келіссөздерден кейін қабылдаған. Бұған дейін ресми Вашингтон көрші екі елден келетін тауарларға 4 наурыздан бастап 25%-тік баж салығын енгізген еді. Президент Трамптың түсіндіруінше, бұл заңсыз көші-қон және есірткі саудасымен күресті күшейту үшін қажет. Жалпы америкалық көлік өндіруші компаниялардың зауыттарының біразы көрші Канада мен Мексикада орналасқан. Себебі бұл елдерде жұмыс күші арзан.
