Күн мен түн теңесіп, айнала гүлдене ерекше шуаққа бөленетін кез бар. Қар еріп, құстар әндетіп, табиғат жаңаратын кез. Ескіні қол бұлғап шығарып салатын сағындырған кез. Нау – жаңа, руз – күн. Шуақты мезгілдің атауының өзі де жаңаруды білдіреді. Наурыз бен саяхатты бір-бірінен ажырату мүмкін емес. Қозғалыс, жол, жаңару өмірдің маңызды бөлігі болған көшпелі мәдениеттен бастау алады бұл мейрам. Біздің ата-бабаларымыз үшін көктем жыл мезгілінің жай ғана ауысуы емес, жаңа жолға шығудың белгісі болған!
