Желіде қайтыс болған досының орнына оның қарындасының тойына тосын сый жасап келген бір топ жігіт елдің ыстық ықыласына бөленді.
Көпшілік ағасының орнын жоқтатпау үшін құттықтап келген азаматтарға тәнті болды, деп хабарлайды Caravan.kz медиа порталы.
Елдің қызу талқысына түскен видео желідегі танымал парақшалардың бірінде пайда болды.
«Ағаның орнын жоқтатпаған достар
Шиеліде өткен тойда жүрек тебірентер сәт орын алды. Өмірден ерте кеткен Абай есімді азаматтың достары оның қарындасының қуанышына ортақтасып, тойға арнайы келіп, құттықтап, аға орнын жоқтатпады.
Сол сәтте бүкіл зал үнсіз қалып, туғанынан айырылған ару көз жасын тыя алмады», — деп жазылған видеода.
