Еліміздің Энергетика министрлігі мұнай өнімдерін экспорттауға тыйым салу мерзімін ұзартуға қатысты бұйрық жобасын әзірледі. Құжат "Ашық НҚА" порталында жарияланды, деп хабарлайды KAZ.NUR.KZ.
Энергетика министрлігінің мәліметінше, бүгінгі таңда елде АИ-92 "халықтық" автобензині мен дизель отынын тұтынудың тән емес өсуі байқалып отыр.
"Мәселен, құқық қорғау органдарының ақпараты бойынша "жамылғы тауарлары" түріндегі ЖЖМ "сұр" экспорты мен ағындарының ай сайынғы көлемі 10-нан 45 мың тоннаға дейін жетеді, бұл баға айырмашылығымен байланысты, Қазақстанда ЖЖМ бағасы көршілес елдерге қарағанда 17-166 пайзыға төмен.
Сонымен қатар мұнай және мұнай өнімдерін жеткізу туралы келісім шеңберінде Қазақстан Республикасы мұнай өнімдерін бажсыз жеткізу шарттарында импорттауға мәжбүр және тиісінше, Ресей тарапының ЕАЭО-дан тыс жерлерге ЖЖМ кері экспортына тыйым салу жөніндегі талаптары ескеріледі.
Осылайша, "жабу тауарлары" түріндегі мұнай өнімдерін, оның ішінде ЕАЭО-дан тыс жерлерге әкетуді бақылауды күшейту талап етіледі", — делінген бұйрық жобасына қоса берілген баспасөз хабарламасында.
Осы орайда Энергетика министрлігі "Қазақстан Республикасының аумағынан мұнай өнімдерін әкетудің кейбір мәселелері туралы" Қазақстан Республикасы энергетика министрінің, Ұлттық қауіпсіздік комитеті төрағасының, қаржы министрінің, ішкі істер министрінің бірлескен бұйрығының (бұдан әрі – бірлескен бұйрықтың жобасы) жобасын әзірлеген.
"Жоба мұнай өнімдерін Қазақстан Республикасының аумағынан, оның ішінде Еуразиялық экономикалық одаққа мүше мемлекеттерге әкетуге алты ай мерзімге тыйым салуды көздейді", — делінген баспасөз хабарламасында.
Бірлескен бұйрық жобасы 2025 жылғы 14 наурызға дейін қоғамдық талқылауға шығарылған.
