Биыл Қазақстан тарихының көптомдығы жарық көреді.
Академиялық басылымды әзірлеуге 5 ғылыми институт, елдің 250 және шетелдің 60-тан астам тарихшы ғалымдары жұмылдырылған. Олардың айтуынша, көптомдыққа 40-тан аса археологиялық зерттеу материалдары, тарих, археология және этнография салалары бойынша 300-ге жуық еңбек енеді. Өткенін білмегеннің ұлттық келешегі де бұлыңғыр. Сондықтан Мемлекет басшысы құрылтай алаңында жаңа жылнамалық 7 томды, ұлттық тарихымыз жөнінде үлкен еңбекті жазу туралы тапсырма берген еді. Жақында ғылым және жоғары білім министрі Саясат Нұрбек ауқымды жұмыстың аяқталып қалғанын жеткізді.
