21 маусымда Мәскеуде Ресейдің халық әртісі Валентина Талызина 90 жасында қайтыс болды, — деп хабарлайды Massaget.kz тілшісі Моссовет театрына сілтеме жасап.
"Көрнекті актриса, театр мен кино жұлдызы, миллиондаған көрерменнің сүйіктісі Валентина Талызина бүкіл өмірін өнерге арнады. Ұзақ шығармашылық жолында Валентина Илларионовна Моссовет театрында 40-тан аса басты рөл, ал кино мен телефильмдерде 100-ге жуық рөл сомдап, бірнеше буын көрерменнің жүрегінен орын тапты", – делінген театрдың Telegram-арнасында жарияланған хабарламада.
"Валентина Илларионовнаның дүниеден өтуі – Ресей өнері үшін орны толмас ауыр қаза, ал театр ұжымымыз үшін үлкен қасірет", – деп мәлімдеді театр ұжымы және марқұмның туған-туыстарына қайғыра көңіл айтты.
SHOT Telegram-арнасының мәліметінше, Талызинаның өліміне онкологиялық ауру себеп болған.
"Оның жағдайы биыл көктемде нашарлай бастады. Наурызда ол қатты жүрек айнуы мен дене ауыруына шағымданып, жедел жәрдем шақырған. Дәрігерлер оған ұйқыбездің қатерлі ісігі (рак поджелудочной железы) диагнозын қойған", – деп жазды арна.
Валентина Талызина 1935 жылы 22 қаңтарда Омбы қаласында дүниеге келген. 1968 жылы ГИТИС-ті (Театр өнері институты) тәмамдағаннан кейін, Моссовет театрына қабылданған. Ол өмірінің аяғына дейін театрдың жетекші актрисаларының бірі болды.
Актрисаға кең танымалдық әкелген кинотуындылар қатарында:
"Афоня", "Зигзаг удачи", "Ирония судьбы, или С лёгким паром", "Культпоход в театр", "Невероятные приключение итальянцев в России", "Гостья из будущего" және тағы басқа фильмдер бар.
Қызықты жаңалықтар мен видеоларды көру үшін TikTok арнамызға жазылыңыз!
