Алматы облысы әкімінің орынбасары Әсет Масабаев жол апатына түсті. Дәрігерлер оның жағдайы туралы айтты, — деп хабарлайды Massaget.kz тілшісі.
Алматы облысының Денсаулық сақтау басқармасы мәліметінше, жол апатынан кейінгі науқастың жағдайы тұрақты деп бағаланады.
“Ол есін біледі. Белгіленген хаттамаға сәйкес медициналық көмек көрсетіліп жатыр”, — деп жазылған хабарламада.
Алматы облысы Полиция департаменті мәліметінше, жол апаты Алматы маңында болған.
“Төңкеріс-Байсерке тасжолындағы жол апаты бойынша полиция қылмыстық іс тіркеп, тергеу жүргізіп жатыр”, — деді Алматы облысы Полиция департаментінің баспасөз қызметі өкілі.
Еске салайық, бұған дейін Алматы облысы әкімінің орынбасары жол апатына түскені хабарланды.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
