Қазақстанда жүк көліктеріне салынған айыппұл саны 12 есе артты. Жүргізушілерді қадағалау күшеймек. Көлік министрлігі автоматтандырылған өлшеу жүйелерін көбейтуді жоспарлап отыр. Қазір елімізде 450 мың жүк көлігі тіркелген. Артық салмақ артып алған ауыр техника жол сапасын құртады дейді министрлік. Жыл соңына дейін қосымша 220 өлшеу станциясы іске қосылмақ. Қазір 59-ы жұмыс істеп тұр. Бұл орталықтар тәулік бойы жұмыс істейді және ереже бұзғандарды автоматты түрде тіркейді. Инспектордың қатысуынсыз айыппұлдар жүргізушілерге жолданады. Жүйе былтыр қыркүйек айында енгізілді. Содан бері 3284 айыппұл рәсімделген.
Шерхан Жамбылұлы
