АҚШ-тың Пенсильвания штатындағы кокс шығаратын зауытта жойқын жарылыс болды, деп хабарлайды 24kz.
Бір адам опат болып, тағы 10-ы жараланды. Бір жұмысшы ізім-қайым жоқ. Жарылыстан 2 кокс батареясы бүлінді. Клертон қаласында орналасқан кәсіпорын Америкадағы кокс өндіретін ең ірі зауыт саналады.
«Жарылыстың кесірінен шаһардағы ауа сапасы нашарлаған жоқ», — дейді мамандар. Десе де, жергілікті билік тұрғындарға есік-терезелерін бекітіп, сыртқа шықпауға кеңес берді.
