Жергілікті тұрғындар Ақтау қаласындағы 1-шағын аудан аумағындағы жағалауда және Түпқараған ауданы «Көк шығанақ» жағалауынан өлген құстарды анықтаған болатын.
Маңғыстау облыстық орман шаруашылығы және жануарлар дүниесі аумақтық инспекциясының хабарлауынша, қанаттылардың өлімі – табиғи жағдай.
— Жаппай қырылу тілкелген жоқ. Мемлекеттік инспекторлар апта сайын теңіз жағалауын айналып өтіп, құстардың табиғи өлімін тіркелді. Айта кетейік, осы жақында суда жүзетін құстардың қоныс аударуы өтті. Мыңдаған құстың арасынан әлсіздері табиғи жағдайда өлген. Оның үстіне жуырда Түпқараған ауданындағы жағалау сызығында қалың қар жауды, — дейді инспекциядағылар.
Мамандар «Көк Шығанақ» жағалауының аңшылық шаруашылыққа берілген орын екенін айтады. Мұнда 8 — 22 наурыз аралығында заңды түрде көктемгі аң аулау маусымы ашылған.
Бұған дейін Каспий теңізінің жағалауында итбалықтарға әуеден барлау жұмыстары жүргізілгені туралы жазған болатынбыз.
