Энергетика вице-министрі Сұңғат Есімханов 2025 жылғы 27 ақпанда Ресейден электр энергиясын сатып алу көлемі Қазақстандағы тұтынушыға қалай әсер ететінін түсіндірді, деп хабарлайды Zakon.kz.
Ол елдегі қуат жеткіліксіз болғандықтан, Ресейден электр энергиясын сатып алуға мәжбүр екендігімізді түсіндірді. Осыған байланысты тариф қазақстандықтар үшін кВт/сағ үшін 1 теңгеге өсуі мүмкін екенін айтты. Өткен жылы Қазақстан Ресейден 100 млрд теңгеге электр энергиясын сатып алды, бірақ биыл едәуір аз сатып алу жоспарлап отыр – шамамен 2 млрд кВт/сағ.
"Біз сатып алатын көлемнен кейін ол бірыңғай сатып алушының тарифіне енгізіледі. Біз 2%-бен сатып аламыз. Өткен жылы біз жоспарлы түрде 2,6 млрд кВт/сағ сатып алдық, биыл аз сатып алуды жоспарлап отырмыз. Осыған байланысты, шамамен бір теңгенің көлемінде бағаға өзгеріс енгізілуі мүмкін",- деді Сұңғат Есімханов.
Ол өткен жылы Ресейден 100 млрд теңгеге электр энергиясы сатып алынғанын атап өтті. Биыл әлдеқайда аз сатып алу жоспарлануда.
"Біз биылғы жылғы сатып алуды 2 млрд кВт/сағ-тан асырмауға тырысамыз, тіпті одан да аз болуы керек. 2027 жылы барлық қуаттарды іске қосқаннан кейін, біз электр энергиясын сырттан сатып алмаймыз деп ойлаймын. Бізде экспорттық әлеует пайда болады",-деп атап өтті вице-министр.
Бұған дейін елімізде электр энергиясының тарифтері қымбаттағаны хабарланған болатын.
