Мұндай мәліметті елдің ұлттық Статистика комитеті хабарлап отыр.
Былтыр Моңғолияның жалпы сыртқы қарызы 37,1 млрд АҚШ долларға жетіп, 7,4 пайызға ұлғайған, деп жазады inbusiness.kz сайты Синьхуа-ға сілтеме жасап.
– Бұл көрсеткішке тікелей инвестициялар немесе фирмааралық несиелердің 14,4 пайызға өсуі әсер етті, – делінген ресми хабарламада.
Комитет таратқан ақпараттан Моңғолияның сыртқы қарызының шамамен 46,5 пайызы тікелей инвестициялар немесе фирмааралық несиелендіруге тиесілі екенін байқауға болады. Ал 21,2 пайызы — Моңғолия үкіметінің жалпы қарызы, қалған бөлігі Орталық банк пен басқа жинақтау мекемелерінің қарызы саналады.
Дүниежүзілік банк сарапшылары "2025 жылы тау-кен өнеркәсібінің өсуі және ішкі сұраныстың артуы есебінен Моңғолия экономикасы 6,5 пайызға өседі" деп болжаған.
Бұған дейін еліміздің өткен жылы 100 ірі инвестициялық келісім бекіткенін жазған едік.
