Цифрлық даму, инновациялар және аэроғарыш өнеркәсібі министрлігінің Ақпараттық қауіпсіздік комитетінің төрағасы Руслан Әбдіқалықов 2025 жылы 20 наурызда ОКҚ-да өткен брифингіде ХҚКО-лардың жаппай жабылуы мүмкін деген дақпыртқа қатысты түсініктеме берді, деп хабарлайды Zakon.kz.
Оның айтуынша, ХҚКО-ларды жабатындай қажеттілік көріп тұрған жоқ.
"Қатардағы адамның көріп жүрген ХҚКО жұмысы, яғни адам келіп, қызметкермен сөйлесетін фронт-офис деп аталады. Бірақ ХҚКО тек операциялық зал ғана емес. Оның артында ел көзіне көріне бермейтін, "қара жұмыспен" айналысатын көптеген жұмысшы бар. Қазір көптеген мемлекеттік қызмет банктерде немесе басқа қызметтердің қосымшасында қолжетімді, сондықтан енді ХҚКО-лардың қажет емес деген пікір тууы мүмкін. Банк жүйелері тек өз клиенттерінің деректерімен жұмыс істейді, ал елімізде 20-дан астам банк бар. Егер дербес деректердің бірыңғай мемлекеттік базасы болмаса, банктік қосымшаларды пайдалану ыңғайсыз болады", — деді Руслан Әбдіқалықов.
Оның айтуынша, мұндай бастама тіпті қарастырылмайды да.
Бұған дейін eGov порталында ел азаматтары үшін жаңа сервис қолжетімді болғаны хабарланған.
