Аталған заң бұзушылық жұмысшылардың демалу құқығына шектеу қойып, еңбек жағдайларының нашарлау қаупін тудырды.
Батыс Қазақстан облысында Тасқала ауданы прокуратурасы талдау жүргізіп, 2180 әлеуметтік сала қызметкерінің, оның ішінде мұғалімдердің, дәрігерлердің және басқа да мамандардың еңбек құқықтарын қорғау үшін шаралар қабылдады, деп жазады inbusiness.kz сайты.
БҚО прокуратурасының баспасөз қызметінен мәлім еткеніндей, ұжымдық келісім-шарттарды талдау барысында әлеуметтік демалыс және басқа да әлеуметтік кепілдіктер беру шарттары тиісті түрде ескерілмегені анықталды.
Бұл еңбек заңнамасын бұзу болып есептеледі.
Прокуратура қадағалау актісін тиісті мекемелердің басшыларына жолдау арқылы жедел әрекет етті.
– Прокуратураның араласуы нәтижесінде ұжымдық шарттар заң талаптарына сәйкес келтірілді, ал қызметкерлер үшін барлық тиісті әлеуметтік демалыстар мен жеңілдіктер қамтамасыз етілді. Қабылданған шаралар қызметкерлердің бұзылған құқықтарын қалпына келтіруге және болуы мүмкін бұзушылықтардың алдын алуға мүмкіндік берді, – деп хабарлады ведомстводан.
