Мәжіліс депутаты Магеррам Магеррамов импортталатын азық-түлік тауарларын техникалық реттеу және сертификаттау шараларына қатысты бақылауды күшейту қажеттілігі туралы депутаттық сауал жолдады, деп хабарлайды Egemen.kz.
Депутат қазіргі уақытта «бас тарту хаттары» бар екенін яғни, белгілі бір тауардың сәйкестігін міндетті түрде бағалауға жатпайтыны туралы жазылған хаттар болатынын айтты.
«Бұл қулықты пайдаланып, импорттаушылар кеден декларацияларында осы хаттардың нөмірлері мен даталарын көрсетеді, ал кеден органдары бұл хаттардың бар-жоғын, түпнұсқалығын немесе мазмұнын тексермейді», деді депутат.
Мұндай тәжірибе кең таралғанын және сертификаттаусыз арзан импорттық тауарларды әкелуге мүмкіндік беретінін ескере отырып, М. Магеррамов бастаған ҚХП фракциясы Үкіметке келесі ұсыныстарды жеткізді:
-
ЕАЭО сыртқы экономикалық қызметі тауарларының Тауарлық номенклатурасының кодтарын көрсете отырып, сәйкестікті міндетті түрде бағалауға (сертификаттау, декларациялау және т.б.) жататын өнімдердің Электронды тізімін жасау және үнемі жаңартып отыру;
-
Кеден органдарына бұл тізімді автоматтандырылған түрде қолдануды енгізу, бұл «адам факторы», сыбайлас жемқорлық тәуекелдерін және сәйкестікті міндетті бағалауды айналып өту мүмкіндігін жояды;
-
2024 жылы Қазақстанның сертификаттау органдары шығарған барлық бас тарту хаттарын (РГП «НЦА», Қаржы министрлігінің Кедендік бақылау комитетімен бірге) талдауды сұрау;
-
Бұзушылықтарды анықтап, сертификаттау органдарын жауапқа тарту;
-
Импорттаушылар мен сертификаттау органдарының Қазақстан экономикасына және отандық өндірушілерге келтірген зиянын (Қаржы министрлігінің Кедендік бақылау комитетімен бірге) бағалау.
