Кездесу 3-5 мамырға жоспарлануы мүмкін.
Бұл туралы Ресейдің Сыртқы істер министрінің орынбасары Андрей Руденко өз мәлімдемесінде айтты, деп жазады inbusiness.kz сайты.
Оның сөзінше, қазіргі уақытта Ким Чен Ынның Ресейге сапарына дайындық жұмыстары қызу жүргізілуде. Бұл сапар екі ел арасындағы қарым-қатынастарды нығайтуға бағытталған маңызды қадам саналмақ.
– Біз Сергей Лавровтың сапарына (КХДР-ға барғанын айтады) қатысты мәселені талқылап жатырмыз. Бұл біздің корейлік достарымызбен стратегиялық диалогты жалғастыру үшін қажет, – деді Руденко.
Соңғы кездері Ресей мен Солтүстік Корея арасындағы байланыс айтарлықтай күшейді деуге болады. Мысалы, екі ел Туман өзені арқылы өтетін жаңа автомобиль көпірінің құрылысын бастауға ниетті. Бұл көпір шамамен 850 метр ұзындыққа созылып, қазіргі "Достық" теміржол көпіріне қосымша ретінде қарастырылмақ.
Сондай-ақ, Солтүстік Кореяның Ресейге Украинадағы соғыс үшін әскер жіберуді ұсынғаны туралы мәліметтер бар. Бұл ұсыныс Ресей тарапынан қолдау тапқаны айтылады.
Ким Чен Ынның алдағы сапары екі ел арасындағы стратегиялық серіктестікті одан әрі нығайта түспек. Кездесуде өзара мүдделі салаларда ынтымақтастықты кеңейту мәселелері талқыланады деп болжанып отыр.
