Зілзаланың магнитудасы 7,7 баллды құрап, ошағы Мьянмада, Таиландтың Ратчабури провинциясына жақын 10 шақырым тереңдікте орналасқан, деп хабарлайды Egemen .kz.
АҚШ-тың Геологиялық қызметінің мәліметінше, жер сілкінісінің дүмпулері 640 миль (шамамен 1030 шақырым) қашықтықтағы Бангкокта да сезілген.
Апат салдарынан Таиланд астанасында салынып жатқан 30 қабатты ғимарат құлап, бір адам қаза тауып, 43 жұмысшы үйінді астында қалған. Қалада төтенше жағдай жарияланып, метро жүйесінің жұмысы уақытша тоқтатылған.
Мьянмада, әсіресе Мандалай қаласында, тарихи ғимараттар мен жолдар қатты зақымданған. Таунгу қаласында мектептің құлауы салдарынан 20-дан астам бала үйінді астында қалған.
Сонымен қатар жер сілкінісі Қытайдың Юньнань және Сычуань провинцияларында да сезіліп, Руйли қаласында зақымдар мен жарақаттар тіркелген.
Қазіргі уақытта зардап шеккен аймақтарда құтқару және қалпына келтіру жұмыстары жүргізіліп жатыр.
