Иорданияда күрес түрлерінен өтіп жатқан Азия чемпионатында бүгін кешке еркін күрестен 4 спортшымыз жүлде үшін сынға түседі, деп хабарлайды El.kz ақпарат агенттігі.
Финал, 97 кг:
Ризабек Айтмұхан — Араш Йошида (Жапония)
Екі спортшы 2023 жылы Астанадағы Азия чемпионатының финалында (92 кг) күрескен. Ол кезде жапон палуаны басым болған.
Қола медаль, 57 кг:
Рахат Қалжан — Хусейн Худхур Ясим (Ирак)
Қола медаль, 70 кг:
Начын Куулар — Иошинасуке Аояги (Жапония)
Былтыр Тиранада Нұрқожа Қайпанов Аоягиді жығып, әлем чемпионы атанған (70 кг).
Қола медаль, 79 кг:
Дәулет Ергеш — Сулдхуу Олонбаяр (Моңғолия).
Бұған дейін еліміздің грек-рим құрамасының балуандары 2 күміс, 2 қола медаль иеленген еді. Кеше әйелдер күресінен сынға түскен құрама 2 жүлдеге қол жеткізді. Оның ішінде Жәмила Бақбергенова төртінші рет Азия чемпионы атанса, 53 келіде Зейнеп Баянова үшінші орынға ие болды.
