Түркістанда дүкендегі ұрлық бейнебақылау камерасына түсіп қалды, деп хабарлайды El.kz ақпарат агенттігі.
Түркістан қалалық полиция басқармасының қызметкерлері жедел-іздестіру іс-шараларын жүргізу барысында ұрлық жасады деген күдікпен 31 жастағы қала тұрғынын ұстады. Белгілі болғандай, арызданған жеке кәсіпкер, дүкеннен белгісіз біреудің азық-түлік ұрлап жүргенін жеткізген. Яғни жас келіншек супермаркеттердің біріне тұтынушы ретінде кіріп, азық-түліктер, сусындар мен шоколадтарды сөмкесіне салып, білдірмей шығып кеткен.
Күдіктінің бұл әрекеті бейнебақылау камерасына түсіп қалған. Қазіргі таңда келіншектің осыған ұқсас басқа да қылмыстарға қатыстылығы тексерілуде.
