Қостанайда жігітті әскери комиссариатқа күштеп алып кетпек болғандарға қатысты полиция тергеу жүргізбек , деп жазады inbusiness.kz сайты.
Куәгерлердің айтуынша, 6 маусым күні сағат 22:00 шамасында жұмысынан шыққан жігіткен азаматтық киімдегі үш адам жақындаған.
"Олар өздерін таныстырмай, жігітті ұстап әкетпек болды. Біздің қызметкерлерді итеріп жіберіп, балағат сөздер айтты. Біздің заңгерді күтпей, күшпен ұстап, алып кетті", – дейді куәгер.
Қостанай облысы полиция департаменті жағдайға қатысты пікір білдірді.
“Қызметтік тергеу тағайындалды. Оның қорытындысы бойынша полиция қызметкерлерінің әрекетіне құқықтық баға беріледі”, – делінген хабарламада.
