Облыстық Полиция департаментінің мәліметінше, жол апаты 13 маусым күні Өтеген батыр ауылындағы Жансүгіров көшесінде болған.
Алматы облысының Іле ауданында жүргізуші көлік тізгініне ие бола алмай, автобус аялдамасына соғылды. Салдарынан екі адам көз жұмды, деп жазады inbusiness.kz сайты.
– BMW-323 автокөлігінің жүргізушісі рульге ие бола алмай, аялдамаға соғылды. Көліктегі жолаушылардың бірі оқиға орнында көз жұмды, – делінген ведомство хабарламасында.
Жүргізуші мен тағы бір жолаушы ауруханаға жеткізілді. Өкінішке қарай, жүргізуші жансақтау бөлімінде есін жимастан қайтыс болды.
