Алматыда футбол алаңында ойнап жүрген 10 жасар баланы үш ит талап тастады. Оқиға Қарасай ауданына қарасты Жалпақсай ауылында болған. Оқушы бала Қаскелең ауруханасының жансақтау бөліміне жеткізілді, деп хабарлайды El.kz интернет порталы.
Алматы облысының прокуратурасы аталған факт бойынша қылмыстық іс қозғалғанын айтты.
Алдын ала мәліметтерге сәйкес, шабуыл жасаған иттер адамдарға әртүрлі тәуелділіктерден емдеу көмегін көрсететін жекеменшік оңалту орталығының аумағында ұсталған.
Тергеу аясында оңалту орталығының үй жануарларын ұстау ережелерін сақталуына құқықтық баға берілетін болады. Кінәлі тұлғалар заң талаптарына сәйкес қатаң жауапкершілікке тартылады. Істің тергеу барысы прокуратураның ерекше бақылауында,-делінген хабарламада.
