Бүгін ауыр атлетикадан жастар мен жасөспірімдер арасындағы Азия чемпионаты басталады.
Құрлықтық додаға 27 мемлекеттен 450-ден астам ауыр атлет қатысады жоспарланып отыр, деп хабарлайды Caravan.kz медиа порталы Kazinform-ға сілтеме жасап.
Жүлделер U17 және U20 жас санаттары бойынша сарапқа салынады.
Ал Қазақстан құрамасы жарысты ұйымдастырушы ел ретінде толық құраммен жүлде үшін бақ сынайды. Ел құрамасы сапында 30 ауыр атлет бар. Олардың арасында 2024 жылғы Дохадағы (Қатар) Азия чемпионатының және жақында өткен әлем біріншілігінің жүлдегерлері де жарыс жолына шығады.
Құрама сапы 50 пайызға өзгерген. Азия чемпионаты олар үшін алғашқы халықаралық жарыс болмақ.
Айта кетсек, жарыс Qazaqstan жеңіл атлетикалық спорт кешенінде өтеді.
Құрлықтық додаға арналған оқу-жаттығу жиындары Алматы облысында өтті. Жалпы наурыз айынан бері 6 дайындық жұмысы жүргізілді.
