“Челсидің” жолы болып, ойын тағдырын автогол шешті.
Футболдан 2025 жылғы клубтық әлем чемпионатының ширек финалында ағылшындық “Челси” Бразилияның “Палмейрас” командасын 2:1 есебімен жеңіп, келесі кезеңге өтті. Ойын тағдырын шешкен жеңіс голы 83-минутта соғылды.
Палмейрас 1:2 Челси
16-минут – Коул Палмер (0:1)
53-минут – Эстеван (1:1)
83-минут – Вевертон (автогол) (1:2)
Жартылай финалда “Челси” “Флуминенсемен” кездеседі. Бразилиялық клуб ширек финалда Сауд Арабиясының “Аль-Хиляль” командасын 2:1 есебімен жеңді.
Турнирдің қалған екі ширек финалдық ойыны 5-6 шілде күндері өтеді.
5 шілде, 21:00 – “Пари Сен-Жермен” (Франция) – “Бавария” (Германия)
6 шілде, 01:00 – “Реал Мадрид” (Испания) – “Боруссия Дортмунд” (Германия)
Осылайша, турнирдің финалына кімдер жолдама алатыны алдағы күндері анықталмақ.
