ҚР Цифрлық даму вице-министрі Дмитрий Мун халық қаһарманы, ұшқыш-ғарышкер Талғат Мұсабаевтың жаназасы мен қоштасу рәсімі қайда өтетінін мәлім етті, деп хабарлайды inbusiness .kz сайты.
“6 тамыз күні сағат 9:00-де Алматы қаласы Зенков көшесі, 24-үйде орналасқан Армия үйінде Талғат Амангелдіұлы Мұсабаевпен қоштасу рәсімі өтеді. Қазіргі уақытта министр (Цифрлық даму, инновациялар және аэроғарыш өнеркәсібі министрі Жаслан Мәдиев) іссапарда жүр. Бірақ ертеңге дейін оралып, қоштасу рәсіміне қатысуды жоспарлап отыр”, –деді ол.
Ал Алматыдағы “Қарулы күштер ардагерлері” қоғамдық бірлестігінің филиалы Талғат Мұсабаевтың Кеңсай-1 зиратына жерленетін хабарлаған.
