1965 жылы АҚШ-та Дж. Р.Р.Толкиеннің «Хоббит» романы алғаш рет жұмсақ мұқабамен басылып шықты. Кітап мұқабасын Барбара Ремингтон есімді суретші салды.
Бірақ оған берілген уақыт өте тығыз болған. Сондықтан суретші шығарманы оқымаса да, қиялына ерік беріп, мұқабаның дизайнын жылдам жасап шығады. Нәтижесінде, мұқабада романға түк қатысы жоқ арыстан, екі түйеқұс және қызғылт жемісі бар ағаштар бейнеленді. Әлбетте, жазушы бұл суретті мүлдем ұнатпады, бірақ кітаптың сатылымы өте жоғары болған.
