2025 жылғы 12 наурызда палатаның жалпы отырысында Мәжіліс депутаттары Рахымжан Ділдаевты Жоғарғы есеп палатасының мүшесі қызметіне тағайындауға дауыс берді, деп хабарлайды Zakon.kz тілшісі.
Депутат Татьяна Савельева Ділдаевтың Әулие-Ата университетін заңгер және экономист-қаржыгер мамандықтары бойынша, сондай-ақ Ресей Президентінің халық шаруашылығы және мемлекеттік қызмет академиясын бітіргенін атап өтті.
Еңбек жолын 1998 жылы Шымкент қаласы әкімдігінің сауда және мемлекеттік сатып алу комитетінде жетекші маман болып бастаған. Ал 20 жылдай Жамбыл, Алматы, Ақтөбе облыстары мен Алматы қаласында Мемлекеттік кіріс министрлігі мен Қаржы министрлігі құрылымдарында түрлі қызметтер атқарған.
"2020 жылдан бастап осы уақытқа дейін Алматы қаласы мен Жамбыл облысындағы ішкі мемлекеттік аудит саласындағы басшылық қызметтерде кәсіби белсенділік танытты. Мәжілістің Қаржылық бюджет комитеті Ділдаевты Жоғарғы есеп палатасының мүшесі лауазымына лайықты деп санайды. Сізден қолдау көрсетуіңізді сұраймыз", – деді Савельева.
2025 жылғы 6 наурызда палатаның жалпы отырысында Сенат депутаттары Амангелді Исеновтің кандидатурасын Жоғарғы есеп палатасының мүшелігіне қолдады.
