Хромтауда жарылыс кезінде күйіп қалған кенші қаза тапты. Ер адам тағы үш жұмысшымен бірге 28 ақпанда "Болашақ" кенішіндегі жұмыс кезінде жарақат алған, деп хабарлайды Zakon.kz.
"Диапазон" порталының хабарлауынша, дәрігерлер ер адамның өмірі үшін соңына дейін күрескен.
"Науқас шокқа қарсы терапия және комбустиологиялық көмек алды, ол өкпені жасанды желдету аппаратына қосылған, бірақ ол 7 наурызда қайтыс болды", — деп хабарлады облыстық денсаулық сақтау басқармасы.
Айта кетейік, Хромтау аудандық ауруханасына жеткізілген зардап шеккен тағы екі адам үйіне шығарылды.
Полиция оқиғаға қатысты "Тау-кен жұмыстарын немесе құрылыс жұмыстарын жүргізу кезінде қауіпсіздік ережелерін бұзу" бабы бойынша сотқа дейінгі тергеу жүргізіп жатыр.
