"Барымта" жедел-алдын алу іс-шарасы аясында елордалық полицейлер қажетті ветеринариялық құжаттары жоқ ет партиясын тәркіледі. Бұл туралы Zakon.kz полицияға сілтеме жасай отырып хабарлайды.
Операция 2025 жылдың 11-31 наурыз аралығында мал ұрлығының алдын алу, ет өнімдерін заңсыз өткізудің жолын кесу және жалған ветеринариялық анықтамаларды анықтау мақсатында жүргізілуде.
Рейдтер барысында полиция қызметкерлері базарларды, ет тасымалдаумен айналысатын көлік құралдарын, сондай-ақ шаруашылықтар мен мал сою пункттерін тексерді.
Құқық қорғау органдарының мәліметінше, "Еуразия-1" сауда орталығының аумағында және "Күйгенжар" бақылау-өткізу пунктінде тиісті құжаттарсыз ет өнімдерін тасымалдаудың үш жағдайы анықталған. Құқық бұзушыларға қатысты әкімшілік ықпал ету шаралары қабылданды.
Сонымен қатар, іс-шаралар барысында жедел уәкілдер тұтынуға жарамсыз ет өнімдерін сатқан 34 жастағы азаматты ұстады. Бұл арада өлген малдың тушалары туралы сөз болып отыр. Қазіргі уақытта сараптама жүргізілуде, оның нәтижелері бойынша процессуальдық шешім қабылданатын болады.
Бұған дейін Оралда ет бағасы қатты қымбаттағаны хабарланған болатын.
