Бүгін әлем чемпионатында 10 боксшымыз ¼ финал аясында шаршы алаңға шығады.
1/8 финалда Наталья Богданова Испания боксшысын еш қиындықсыз жеңіп, 70 келі салмақ дәрежесінде әлем чемпионатының 1/4 финалына өтті. Жекпе-жек 3-раундта тоқтатылды.
Бүгін, 13 наурыз, Сербияның Ниш қаласында өтіп жатқан әйелдер арасындағы бокстан әлем чемпионатында ширек финалдық жекпе-жектер өтеді. Бұл кезеңге Қазақстан құрамасынан барлығы 10 боксшы жетті.
Кездесулер Астана уақыты бойынша 18:00-де басталады.
Қазақстандық боксшылардың қатысуымен өтетін барлық жекпе-жектер:
48 кг дейін: Назым Қызайбай – Анаонис Седено Рохас (Венесуэла)
50 кг дейін: Алуа Балқыбекова – Айсен Тасқын (Түркия)
54 кг дейін: Жайна Шекербекова – Сара Циркович (Сербия)
57 кг дейін: Карина Ибрагимова – Ян Цай (Қытай)
60 кг дейін: Виктория Графеева – Ситора Турдібекова (Өзбекстан)
63 кг дейін: Аида Әбікеева – Эсманур Лок (Түркия)
66 кг дейін: Жасмин Қизатова – Альбина Молдажанова (Ресей)
70 кг дейін: Наталья Богданова – Милена Матович (Сербия)
75 кг дейін: Надежда Рябец – Николина Гажич (Сербия)
81 кг жоғары: Ельдана Тәліпова – Сара Миликович (Сербия)
